# Walloof Harargee

Walloof Hararghee

(Kutaa 1ffaa)

Jaarraa 16ffaa dura lafa amma Walloo jechuun beekamturra

ummanni Oromoo bal’inaan akka jiraachaa ture seenaan

ummata Oromoo ni mul’isa. Jaarraa 16ffaa keessa Diini

humnoota Awurophaa fi biyya Olloota lafa Oromoo jiran irraa

kallattii adda addaatiin Duula Oromoorratti banuun baayyachaa

dhufte. Akkumma roorroo hamtuun nama cimsitti jadhamutti,

Oromoonis sirna bulchinsa gadaa jalatti daran cimanii fi

gamtoomanii diinoota kallattii addaa addaatiin itti bobba’an

hunda ofirraa qoolachuun, lafa dheedaa isaani of harka

tursiisuu danda’ani jiru. Kana malees lafa dheedaa qullaa jirtu

dabalataan of harka galchuus danda’anii ture.

Toora Walakkaa Jaarraa 16ffaatti Abbaa Gadaa Ituu ture kan

jadhamu # Abbayyii_Galaan fi Abbaa Gadaa Afran Qalloo ture

kan jadhamu # Buluuloo_Laangichaa Carcarii fi Ona Afran

Qallootirraa, akkasumas humni muraasni Booranaa fi Iluu

Abbaa Booraa irraa gara Wallootti akka duulan gumii Sabaa

waliigalaatiin Odaa Roobaati Murtaa’e ture. Abbaan Gadaa Ituu

# Abbayyii_Galaan gaantaa (garee) 12 kan gosota Ituurraa

walitti sassaaban gara Kaabaati akka duula gaggeessan

murteessan. Looltoota Carcarirraa Laga Hawaas

qaxxaamuranii duulan maatii isaani wajiin achuma Wallo

qubatanii akka lafa walloo diinarraa ittisaniif qajeelchan. Erga

Walloo tutuqaa Diinaa irraa faccisan booda achumma

qubatanii maatii horachuun wal hormaani hidda dhaloota Ituu

wallootis saaree daraaruu jalqabe.

Warri Carcarirraa walloo duule erga weeyrartootarraa lafa

Oromoo Walloo bilisoomsan booda, lafa bilisoomsan san

maqaa ganda isaanii kan hararghe # Carcar_Walloo jechun itti

moggaafatan. Kan Ona Ituu Habroo irraa duule # Habroo

jechuun, kan Waldayarraa Duulee # Waldaya jechuun, kan

Dirree Qaaluu fi gubbaa qorichaa Warra Qaaluu irraa duulan

# Warra_Qaaluu jechun, kan Ona Ituu Baabboorraa duulan

# Warra_Baabboo jechuun, kan Ituu Liibanirraa duuln

# warra_Liiban , kan Ituu Baaye irraa duulan # Warra_Baaye , kan

Ituu Jiille irraa duulan # Warra_Jiille jechun, kan Hararghe

bahaa Qobboorraa duulan # Qobboo jechun, kan

Komboolcharraa duulan # Koomboolcha jechuun, hangi xiqaan

iIuu abbaa booraa irraa duules # warra_Iluu jechuun, kan

Booranaa irraa duulanis # Boorana jechuuni ture lafa walloo

jadhamtu tana maqaa ganda dhalootaa fi irraa duulaniittiin

moggaafachaa turan. Sababa kanarraa ka’uuni ture hanga

arraa moggaasni lafa Harargheeti fi walloo, akkasumas

maqaan gosa Oromoo Hararghee fi Wallootis kan haala addatti

walfakkaachuu danda’eef.

Hanga ammaa uffannaan Aadaa Oromoota Hararghee fi Walloo

qofti kan walfakkaachuus danda’eefis kanumarraayi. Fakeenya

Oromoo keessaa uffata Aadaa Marxoo, Billawa, Goofaree,

Ulee, Shuuwaaka, Filaa, fi kkf uffata Aadaa Dhiiraa walfakkaatu

qabu Hararghee fi Walloo qofa kan tahu danda’eefis ka’uumsi

seenuma kanarraa akka tahe himama. Gara dubartiitiinis

Shurrubbaa, Shinshinii, Kaafuraa, Callee, Kilkillee, gumee fi

saakayyoo suuqachuunis aadaa hedduu walfakkaataa tokkoo

tahe kan qaban Hararghee fi Walloo kan taheefis kanumarraayi

jechuun ni danda’ama. Kanaafuu walitti dhufeenyi Walloo fi

Hararghee, (keessaafuu Ona Ituu) seenaa dheertuu fi

hidhatinsa hidda dhiigaa gadi fagoo kan qaban tahun sirriiti

hubatamuu fi hogu mara yaadatamuutu irra jiraata.

Seenaa teeenya ambi afaan, aadaa fi seenaa keenya hin

beekneetu akkumma fadheti nuuf barreesaa waan turaniif akka

biraati nuuf barreessaa turan. Ammaaf Dhimma hidhatinsaa

kanaa akkumma jirutti fuuldura kan itti dachaanu tahee,

ammaaf gara jaarraa 19ffaa ti haa deebinu.

.

.

.

Itti fufa