#Hortee_ Baareentummaa

Walaloo Hortee Bareentumaa!!

☆☆☆☆☆☆☆

Hortee Bareentumaa

Sab-boontoota walloo

Madda Sab-boonummaa

Raayyaa fi Azaboo

Qobboof warra Yejjuu

Ilmaan Abbaa waaxoo

Iluuf warra Hebanoo

Yaa gootoota walloo

Baabboof wayyuu

Ilmaan dhiiga tokkoo

Gabrummaa buqaasaa

Itti fufaa qabsoo!!2

Walloo biyya gootaa

Biyya gootowwaanii

Jaalattoota haqaa

Jaallawwaan qaqqaalii

Jaallan hedduu dhabnee

Kan Sabaaf kufanii

Nutti dhiise madaa

Yaadannoon isaanii

Qabsoo itti fufaa

Daandii jaallawwanii

Bilisummaa jennaa

Gumaa dhiiga Saanii

Seenaan haa yaadatuu

Jaallawwan kufanii!!2

Jaallawwan warraaqoo

Kan qabsoof kufanii

Irraaffachuun qabnuu

Jaallewwan kufanii

Dirree gubbaa Ciisaa

Lafeen jaallawwanii

Warra Ofii kufee

Xurree nuuf Saaqanii

Warra dhiiga Saaniin

Qabsicha jaaranii

Yoomuu hin dagannuu

Galata isaanii!!2

Maqaa Saanii kaafnaa

Haa yaadannuu Saanii

Jaal M/d dirree(Goota babbaas)

Hiddee Liibantichaa

Sab-boontoota Sabaa

Urjii lola keessaa

Jaal Abduu Idiris

Jaal Yuusuf M/d

Jaal Adamii Leencaa

Jaalattoota Sabaa

Burqaa Sab-boontootaa

Jaal Umar Hiddiyyee

Jaal Sayyoo Aliyyee

Qabsoo Sabaaf jecha

Goota baay'ee dhabnee

Jaal Adamii maammaa

Jaal Huuseen Sooressaa

Gumaa dhiiga Saanii

Bilisummaan baasaa

Jaal Ahmad Siraajuu

Jaal Hiddee Adamee

Jaal Huusanee Idris

Isaan kufan malee

Qabsoon hin dhaabbannee

Jaal Idiris Abduu

Jaal Badhaasoo Idiris

Warra lolee kufee

Qabsoo Saba Saaniif

Jaal mahammad Abdoo

Jaal Ahimad Idiris

Seenaan haa yaadatuu

Jaallawwan kufanii

Jaal Aluwwaa Ussoo

Jaal Huuseen Fantaa'ee

Jaallan kana Cufa

Qabsoof jecha dhabnee

Jaal Idirs mahammad

Jaal Abduu Hiddee

Jabaadhaa Saba koo

Qabsoof jecha dhabnee

Itti fufaa qabsoo

Akka hin dhaabbannee

Jaal Adam Idiris

Jaal Sayyoo Alii

 Warraaqxoota haqaa

Gootowwan qaqqaalii

Bilbilaatii jiraa

Daandiin gootowwanii

Sab-boontoota walloo

Haa yaadannuu Saanii

Yoomuu hin dagatuu

Galmeen Saba Saanii!!2

Gootowwan walloodhaa

Hedduu isaan dhabnee

Kaanis galmeef dhiifnee

Kaanis fakkiif kaafnee

Dhaamsa Sab-bootootaa

Akka hin dagannee

Irbicha diiginaa

Eegaa nuti kufnee

Qabsoo itti fufaa

Akka hin dhaabbannee

Eegaa maal Abbaasaa

Qabsoof jecha dhabnee

Aadaa du'aa taanaan

Qonnee wal-Awwaallee

Murticha diiginaa

Eegaa nu dabarree

Jechuun dhaammatanii

Warri qabsoof dhabnee!!2

Dhaamsa gootowwanii

Sinitti dhaammannee

Imaanaa jaallewwan

Akka hin dagannee

Sab-boontoota walloo

Jaallan hidduu dhanee

Qabsoo itti fufaa